صقر سليم


نحمد اللي يستحق الحمد خلاق البرايـا=مّن بالصحة على سلطان وافرحنا قدومه
المشاعر جايشه تعبير عن صدق النوايا=والتهاني خالصة للمملكه شعب وحكومه


زبن القاضي


نشكر اللي يستحق الشكر وهـاب العطايـا=رد راع الجود سالم للوطـن والله يدومـه
سيدي سلطان في كل البشر مالـه حلايـا=ياعسى عمره طويل وجعل يومي قبل يومه



صقر سليم



عمت الفرحه قلوب الشعب في كل النحايا=كم سجين انحل قيده كم يتيم ابعد همومه
ابتسامة سيدي سلطان محمود السجايـا=تعني الخير الكثير وتعني انه سيد قومه


زبن القاضي



الصحاري والمدن والبحـر واللـي فالقرايـا=كل من فيها بعودة سيدي حقق حلومه
كم تبنا من يتيم وكـم يحـل مـن القضايـا=الشجاعه من طبوعه والعطايا مـن سلومـه




صقر سليم


كم عطاء بالجهر غير اللي يمده بالخفايـا=صيرمين عن دروب العز ماتبرد عزومـه
سيدي سلمان لو دونه يرد حوض المنايا=من عرف سلطان في سلطان والله مايلومه




زبن القاضي


من حيا عثمان ياخذ سيـدي كـل المزايـا=ولين ابو بكر وشجاعة عمر لاقابل خصومه
سيدي سلمان اخذنا من مواقيفـه وصايـا=أن الاخو مع الاخو فالضر مايهنـاه نومـه




صقر سليم


جود ابو خالد مثل هداج ميراد الضمايـا=وفعل ابو خالد سوات البحر ماكل ٍ يعومه
لو كتبنا فالكتب والصحف ماكملنا الروايا=كم راوي في مكارم سيدي ضاعت علومه




زبن القاضي



لو فّتشت القلوب اللي ورى حدب الحنايا=كان حبه تاجده في قلب كل انسان كومه
كلنا نفداه بالارواح لـو رحنـا شظايـا=حالنا واموالنا رهن الاشارة في لزومـه