عواض الشهيب

هــلا مـرحـبـا يـاشـاعـرٍ لاعـدمـنـاه=من أهل الوفا وأهل الصفات الحميده
أبا أنشدك عن علمٍ تشوفـه وشفنـاه=مسجل على أول صفحةٍ في الجريده

صقرسليم

يدوم البقا ياشاعر ٍ من مزايـاه=علوم الوفاء والطيب والله يزيده
سمعنا كلام ٍ ليتنـا ماسمعنـاه=يترجم مفاهيم الحيـاه الزهيـده

عواض الشهيب

علـى الحـد وقـف وانتبـه لاتـعـداه=مـادام انهـا حميـت عليـك الحديـده
عدا الذيب في ضان الفقّير ومعزاه=ولا أظـن يبقـا عـاد منهـا شـريـده


صقرسليم

رقد صاحبي عواض حتى وصلناه=وفاته على اماظن ماهـي بعيـده
يجرالعوا سرحان من شر ماجـاه=من الهم شبت فوق كبده وقيـده


عواض الشهيب

يبرهن كلام الرجل فعله بيمناه=لو أنك نقصت العلم ولا تزيده
ولا يا وجود اللي زمانه تحداه=مغربل ودمه واقفٍ في وريده

صقرسليم

مايمديك تجحد فعلنا اللي فعلناه=عسى الله يلقنك الوفاه الشهيده
الا ياثبيتـي رددو واحــلالاه=ترى الله يدبر فالبشر مايريده


عواض الشهيب

ترانا عذاب الخصم لامن نويناه=يبـا صيدنـا لـكـن حـنـا نصـيـده
على القمه العليا علمنـا ركزنـاه=وصقر البقيلي كاشفينٍ رصيـده

صقرسليم

ياعواض كم شارب خصيم ٍ نتفناه=كشفنا حديثـك يامطـوع بريـده
ويالليل خبرني عن امر المعانـاه=هذا كل مايعنيه بيـت القصيـده

عواض الشهيب

ولا ياصقـر ياصعـب شـيٍ تمنـاه=بـلاش الكـلام اللـي نقولـه نعيـده
ليا هندب الشاعر على قاف غناه=وياقشرها بعض اللحون الجديـده

صقرسليم

ماكل ادمي تمشي على الكيف دنياه=وسو النوايا مـن فسـاد العقيـده
اليا شاب قاف الشعر يختل معنـاه=والكـن نختمهـا بجملـه مفيـده