عام الثلاثين انقضى فيه عيدين =والعيد الاكبر مقبل ٍ في طريقه
تاريخ يوم الجمعه اربع وعشرين=عيد وفرح لاهل الوطن بعد ضيقه
عودة ولي العهد طلق الحجاجين=الخير مع سلطان دايم رفيقه
صار الفرح يغمر قلوب الملايين=احلام كل الشعب صارت حقيقه
يالله ياقابل صلاة المصلين =ياعألم اسرار الصدور الغليقه
احفظ لنا سلطان ريف المساكين=واحفظ لنا رفيق دربه شقيقه
سلمان حاكم نجد زبن المخلين=ساس الوفاء راع اليمين الطليقه
حكامنا معهم على العهد وافين=اقلوبهم لشعب دايم رقيقه
والا على العدوان بالحيل قاسين=مثل الجبال الراسيات الشهيقه
في ظل ابو متعب صعوط المجانين=سم ٍ لكبد الخصم عز لصديقه
حنا على نهجه مع الدرب ماشين=أن شافانا الغدار يشرق بريقه
دون الوطن والمال والعرض والدين=محرمين النوم حتى دقيقه
شعب وحكومه كلنا مستعدين=الأصل واحد والعلاقه وثيقه