مرزوق المقاطي

البقيلي ودنا ناخذ علومه وش يجيب من العلوم ووش يودي=عن كثير الهرج تكفينا الاشاره والبقيلي حر يفهم بالاشاره
كلنا دون العلم شعب وحكومه ذود عن حدك وانا من دون حدي=شاور الخيره وصل الاستخاره يمكن الخيره تجي في الاستخاره

صقرسليم

ان بغيت العلم كل ٍ في لزومه..يالمقاطي لاتميل ولاتعدي=واعرف ان النار تالع من شراره..كم حريقه مبتداها من شراره
من وقف دون العلم ماحد ٍ يلومه...احفظ اسرارك وانا ماباح سدي=عندنا بشت الامارةوالامارة..لاتزحامنا على بشت الامارة

مرزوق المقاطي

انت ودك بالمعاند والخصومه.. ولا انا ياصاحبي ماهوب ودي=وان بلينا بك وفي راسك نعاره طق راسي كان في راسك نعاره
البقيلي قام ينخا روس قومه.. بار في ووقف السلمان ضدي=وان نشدته قال في كبدي حراره توي ادرانه على كبده حراره

صقرسليم

كل مخلوق ٍ على قده هدومه..وانت لاخويه ولانت بصلب جدي=ان نويت انهيك يابرج التجارة..راح راسك روحة ابراج التجاره
تخدمون الناس والناس مخدومه.والبدو من طبعهم بدك وبدي=لاتقولون التطور والحضارة..يابدو ماحاسكم غير الحضارة


مرزوق المقاطي

مايموت الادمي قدام يومه.. لا تهددني ترا منته بقدي=نقمع اسرائيل لوهو بالحجاره .وانتم أعرف بالجبال وباالحجاره
لا تقول الناس ياصقر محرومه.. وانت مفطر ومتعشي ومتغدي=تحسبنك داب حجرف وسط غاره .يوم جاه الرزق عنده جوف غاره

صقرسليم

فرق مابين الخشونه والنعومه ..لاتطالع فوق والوضع متردي=تدعي بالربح والناتج خسارة..والنهائة ياخسارة ياخسارة
انت يالسواق راسك فيه حومه..تصدم الظلعان ماتعرف تهدي=لوطلبنا منك رخصة واستمارة..لامعك رخصة ولامعك استمارة

مرزوق المقاطي

لا تشب النار بين أبنا العمومه .لو بغيت ارد لك صعب مردي = المدير ليا ومر يمشي قراره .والغشيم ليا ومر يلغى قراره
سايقن حتى البحر يقدر يعومه .لو في موج البحر جزرن ومدي = خل دعوانا تحت حيد الستاره .قبل تزعل منك وتزيح الستاره


صقرسليم


كان قلبك ماتريح من همومه.من كثير الهم لابده يصدي=القرار ايجيك صادر من وزارة..وانت ماترفض قرارات الوزارة
يالعتيبي ويش وداك لتنومه.احسبنك من ديارك ماتشدي=واحد ٍ يرضى بدار ٍ غيردارة..لايلوم الدار لو يجفاه دارة