عمر الخالدي




مرحبا والمنبـر المشهـور مـن بيـن المنابـر
منبـر الهـذلان والسلـمـان منبـرهـم وزانــه

عاش بيـاع النحـاس ومـات بيـاع الجواهـر
والشداد اللي في ظهر شعيل حول عن مكانه





صقر سليم




البقاء والمنبر الي عندنا منبر معاصـر
ما يقرالروس من سحر البيان الا بيانه

قبل لاتنضر على التجار ناضر للمتاجر
البناجر مالها في معضم الاسواق خانـه




عمر الخالدي




الزمان اللي نعيشه فيه شـئ مـن المخاطـر
مير قول ولاعليك إحنا في حفظ الله وأمانه

مايصح إلا الصحيح ومن يكن الحق فاجـر
حضره وإحنـا قضاتـه عندنـا ذمـه وأمانـه





صقر سليم




الكـلام الـي نقولـه محتميـنـه وانــت خـابـر
والهبايـب ماتميـل غـيـر عــود الخيـزرانـه

نهجنا مايختلف طول الزمن ماضي وحاضر
عقب الي فا الزوم ايدينه اقصر مـن لسانـه




عمر الخالدي




ياسلـيـم أخــذو حـذركـم مــن مطـولـة الحنـاجـر
علمـهـم مامـنـه فــود وفعـلـهـم خـبــث ولـعـانـه

فـي زمـان العولمـه حتـى البقـر تلـبـس منـاظـر
والخطيب اليا اختطب في منبره ماحدن في شانه




صقر سليم




انت صاحب تجربـه تعبربهـا كـل المعابـر
دبلوماسي دبلوماسي مير ماعندك حصانه

المناضـر هينـه خـايـف تـحـزم بالخنـاجـر
والـبـلا فالكاهـنـه عـيـت تبـطـل فالكهـانـه




عمر الخالدي




منهو اللي ينصر المظلوم ونعده مناصـر
من عيال سليم بن منصور ولا من كنانه

الورق فالمكتبه وأم الكتب عكس الدفاتر
ماتـقـراهـا فـــلان ولاتـقـرتـهـا فــلانــه





صقر سليم




انقذوه اعيال ابن منصور يوم انه محاصر
ثــم بلـغـهـم تحـيـاتـه وشـكــره وامتـنـانـه

ياعمركسر العضام اخف من كسر الخواطر
ونت ماعندك سلاح اقوى مواقفـك الادانـه




عمر الخالدي




منته منقذ ميت وعظامه تبنتها المقابـر
عظم الله اجركم وكليب يبقى إلا حصانه

القطيع الها حمى ومنظمه والهـا كـوادر
والوكيل اللي ينظمها على باب الخزانـه





صقر سليم




الكلام الي تقوله غير موثـوق المصـادر
كان ونك ما تشوفه حي يرزق قلت عانه

النخاله عيدت باالـذود فـي واد الدواسـر
والسبب مانعرفه بس احتمال انـه خيانـه




عمر الخالدي




كفـن الميـت فـي ثوبـه لاتـزوم ولاتكـابـر
لو تزوم اليـوم بعـد اليـوم تنفـاك الديانـه

البدو ماتخلط البري مـع انتـاج المعاصـر
والبطون الها عشاها والسيور الها دهانه





صقر سليم




الحقيقه ياعمر سجل عليك اربع محاضر
طيعنـي يابـو محمـد لا تعيـد الاسطـوانـه

الرجال الهم عوايد والحرار الهـا مواكـر
لاتضيع معرفت راسـك وقـوت عنفوانـه


تحياتي لكم جميعا