صقر سليم
معروف في سلم العرب خير البدايه باالسلام
سلام ياهل الشعر وهل الفكر وهل المعرفه
ولي بعد هات الخبر والعلم ياالشاعر حـزام
ياالشاعر الي عملته مثل الذهب من مصرفه


حزام العصيمي
يامرحبـا ياللـي تسلـم عـد همـال الغمـام
الله يعز اللـي يعـز الشعـر واللـي يعرفـه
عندي علوماً بيض مثل البرق في وسط الضلام
والبرق يوم يلوح نـوره كـل شيـاً يكشفـه

صقر سليم
الي نخبره بيننا شيمـه ورفقـه وحتـرام
واليوم اشوف الناس قامت كل علم اتحرفه
نور القمر مايختلف والسيف قصاص العظام
بس انتبه للاافه الـي كـل شيـن تتلفـه

حزام العصيمي
مابينا غير الوفا في كـل يـوم وكـل عـام
والناس وش تنقص من البحر الحمر لو تغرفه
أكيـد هـذي ثابتـه ياصقـر مافيهـا كـلام
واللي يطيع مخالف الدرب أخذه الله بطرفـه

صقر سليم

ياحزام من ينزل بواد الهيم يعديه الهيـام
والي ثيابه بيض لو مر الدنس وش ينضفه
الدرب قدامك ولو وسط البلد كثر الزحـام
خل الدروب الي بها ناسن تلفلـف لفلفـه


حزام العصيمي

ماخطاك ماصابك ومكتوبك يصيبك بالتمام
أصبر على حكم الدهر لو شفتلك منه اكلفه
حنا درانا عن حقايق نسل حام ونسل سـام
كم من غشيماً ينقل الرشاش مافيه اسعفـه


صقر سليم
بس الحذر واجب على شرواك حتى مايلام
ولي يحذف الناس لايستغرب الي يحذفـه
اصبر على دنياك كان اتشوف قل الاهتمام
اليوم يامال الشحم شمس الحقيقـه مكسفـه


حزام العصيمي

أنا وردت العد قدامـك وصـدرت الحيـام
وأنته توصيني يامال العافيـه بأيـة صفـه
يمكن وصلك العلم خاطي لا حلال ولا حرام
وكليب عيّا ينصفه جساس والزيـر أنصفـه