عيضه الثبيتي

يامرحبا ترحيبة العتبـان بسليـم الكـرام
اللي على طول الليالي ما اختلف قانونهـا
ياسليم ياهل العرف مطلاع الكلام من الكلام
واللي يقف من دون ربعه ينثني من دونها



صقر سليم



دام البقا ياللي تسابقنـا علـى ردالسـلام
وانته تحقق يالثبيتي وتعـرف مضمونهـا
هذي حقيقه واضحه والنور اخير من الظلام
كل الدير ياشاعر الهيلا نعـرف حصونهـا



عيضه



هذاه من زود الغلا ياصاحبي والاحترام
حنّا هل الأولى ترانا والسلوم نصونهـا
اما اعقلوها بالعقال وخطّموها بالخطـام
ولا بلاش من البيوت اللي طوال ركونها



صقر




تحية الاسلام من حق المسير فالنظـام
هذي سلوم الدين والمفروض ماتنسونها
حنا رجالٍ ما لحقنا في لوازمنـا مـلام
خل الأمانة لا انت راعيها ولا مامونهـا




عيضه



ياصقر صح النوم لايغلبك ياصقر المنـام
اسليم عن بعض المواقف لاتنام عيونها!!
ياجعل رجالً مايعـط الحـق بيتـه للهدام
ويبارك الله فالرجال اللي تسد ديونهـا!!



صقر




سليم في وقت المواقف خصمهم يصبح عدام
روس المجنن من فعايلهـم تطيـح جنونهـا
وانته يا عيضة لو ورثت العود مرحوم العظام
يمدي ثبيت اللي تعزوى بك بردت غبونهـا



عيضه



ما اذمكم ياصحابنا والزرع قافيه الصـرام
مير البحور السبع يالسلمان لا تعطونها!!
الحيَّ سدّ النوب.. واللي مات جعله للرحام
وأم الكباير في علابيها كسرنا شونهـا!!



صقر




نمشي على عز وشرف ماهو بعيب ولا حرام
أحسن من اللي حطت السكين في حنحونهـا
الطرقي اللي ما معه بندق ولا عنـده حـزام
ما هو غريب تحطه ذياب الخلا في بطونهـا



عيضه



لا تنشد الا شايبً عمره ورى تسعين عام
ويعلمك باللي تقارع فالبحور صحونهـا!!
أنته تروّعك الذيابه ياصقر قبلـه وشـام
وحنّا الذيابه يالبقيلي كاسرين سنونهـا!!



صقر



نشدت شايب قال ما حنـا محـل الإتهـام
الشكّ حول اللي تبى تقلع جبـل بقرونهـا
الاولة من قسمنا وان كان في خشمك عرام
نعطيك فركة خشم لين العين يدمع نونهـا



عيضه




ماهي بمنّا ياصقر منكـم قريّـب بالتمـام
وراك ترميها علانا وأنت لونك لونهـا!!
مانته بويّا خشومنا خل الهذاري والحـلام
اخشومنا مثل السيوف الحدب ماتقوونها!!



صقر



منكم وفيكم وانت جاحدها لكنك ما تـلام
خايف يذكونك نهـار العيـد ويذكونهـا
خشومكم لو انها اكبر من شمنصير ونعام
يبا يجـون البـدو بالبكليـن ويدقونهـا


عيضه



الطيب فاول قافنا والمسك في مسك الختـام
ياراعي الطيَّاره اللي صفّـرت طبلونهـا!!
العفو عند المقدره من شيمة الناس الحشام
الله عفى عن صقر لو ذبحة صقر ياهونها!!



صقر




بدري عليك الليل بدري لا تعـذّر بالـدوام
بكرة سواتي فيـك طلاّبـك يبـا يلقونهـا
وافرك لأجل عتيبة الهيلا رفيعيـن المقـام
والاّ أنت حبة من صلاة العصر في طاحونها