حامد القارحي


دخلنا في الفضا وش خانة الترحيـب والتسليـم=ا ليا جا المواقف الحكام لا اسومـه ولا ابيعـه
ثمان سنين اناطح في العرب واسمع بصقر سليم=عسى له نظرة مادوبهـا فـي روس اصابيعـه







صقر سليم



رصاصك من حزامي قبل لانبدا بسين وجيم=وحنا من هل السنة ولانتبع هـل الشيعـه
ثمان سنين ياحامد نعلـم طالـب التعليـم=بعيدين النظر والعلـم طورنـا مشاريعـه







حامد القارحي



يقول القارحي لا تخلف الترتيب والتصميم=عطاكم حجة(ن) واثباتها ختمه وتوقيعـه
وإذا قلدت ابو مشعاب جبنا لجنة التحكيم=يسير العلم يا ابو زيـد تثليثـه وتربيعـه








صقر سليم


عطيتك رقم واحد تعرفـه مايقبـل التقسيـم=وانا اشوف ان من صالحك ماتبحث مواضيعه
حكمنا ماظلمنا وانت في ضل الجبـال مقيـم=ولايبقـى عليـك الا تجـي وتجـدد البيعـه







حامد القارحي



تراني ما دفنتك في الثـرا حولتبـك للغيـم=تمسك في جناح الحر واطلع مـع مطاليعـه
وانا حارس على السلمان في التأخير والتقديم=زمـان اول تحـول وقتكـم قلـة منافيعـه






صقر سليم



انا صقر ومكاني معتلي مانزل بـواد الهيـم=واعرف الحر الاشقر وين وادري عن مواقيعه
سليم الله يعز سليم قوم(ن) مايجيهـا الضيـم=لكن احرس لضلع هذيل لاتظهـر جرابيعـه






[حامد القارحي


طبعنا لك مية صورة وباقي ننشر التعميـم=ومن همك تفكر في الشهر وتعد اسابيعـه
ابعطيك الأمان ان كان تعطيني عيون الريم=تطيع الاقتراح الزين والا قول ما اطيعـه





صقر سليم



انا اخبرك مطوع بس تذن ماتعرف تقيم=وضلع هذيل ماخرب عليه الا مطاويعـه
عيون الريم جتنا من هذيل مقدمه تكريم=اخذناها وعينك بين تحميره وتدميعـه





حامد القارحي



عروقك يا السلم والسمر ما تشبه عروق النيم=صحيح ان الفتى معروف من طبعه وتطبيعه
تقوله , مير كثر الطق قالوا يكسـر التلحيـم=وعين الريم ما تُعطى لقوم ( ن ) مالهم ضيعه






صقر سليم



سنونك طيبـه لكنهـا يبغالهـا تقويـم=وضرسك لن غدابه سقم ماله غير تقليعه
كسبنا الاوله لكـن لايلعبـك التوهيـم=وربعك ماعليهم زود كلن له مطاميعـه